Byttedag på Firda VGS

Den 16. januar vart det arrangert byttedag i Aulaen på Firda vidaregåande skule. Det var Natur og Ungdom Nordfjord som stod bak. Mange folk var innom, og byttedagen blei ein suksess!

test

Byttedag i Aulaen på Firda vgs 16 januar 2019. Foto: Birte Fossheim

Klima og miljø i fokus

Bakgrunnen for at Frida Bjørnereim og Julie Aksnes Williamsen i Natur og Ungdom Nordfjord tok initiativ til denne byttedagen, er eit bidrag for miljøet. – Det høge forbruket vårt på kle og ting, veit vi bidreg til forureining og utslepp. Ved at ting som vi ikkje brukar meir, kjem til nytte hjå ein ny eigar, så bidrar dette positivt for miljøet. Ei slik konkret handling, er også med å endre folk sine haldningar. Når ein finn seg eit plagg eller ein ny lampe på bruktmarknaden, så gjere det oss gjerne litt meir bevisst som forbrukarar, seier Julie som er godt fornøgd med responsen både på stands og frå folk som var innom. Folk sine haldningar til gjenbruk, opplever dei stadig blir meir positive, seier dei to. – Og «gi-vekk-stasjonen» var spesielt populær for hybelburar som trengte kjøkenutstyr og dekor!

Dei to fekk mykje ros for initiativet, både frå dei som hadde stand og dei som kom for å handle.

Slik organiserte dei byttedagen

Kven som helst kunne melde seg på med stand via eit arrangement på facebook. Du valde sjølv korleis standene din skulle vere, kva du ville selje, bytte eller gi bort. Standen kosta 50 kr, og då kom du til ferdig klargjort stand der du kunne plassere ut varene dine, lekker tapas for gjester som besøkte bruktmarknaden, og utlodding av premiar for personar som deltok. Dei kleda som folk ikkje ville ta med seg heim etter marknaden, tok dans- og dramaklassa på Firda seg av, og leverte til Fretex det dei ikkje kunne bruke.

Vil kome fleire byttedagar

– Dette var så moro, at vi gjerne vil gjennomfører liknande arrangement fleire gonger, seier initiativtakarane Frida og Julie frå Natur og Ungdom. Gloppen kommune har vore og spurt om vi kan tenkje oss å arrangere byttedag på ein Landsbylaurdag i Sandane sentrum, og det sa vi sjølvsagt ja til, smiler dei to klimaengasjerte ungdomane.

frida og lindis

Initiativtakar Frida Bjørnereim (t.v) og Julie Aksnes Williams i Natur og Ungdom Nordfjord. Foto: Birte Fossheim

Vellukka konferanse!

Knut Isdal Lindstrøm held sluttappellen. Foto: Hans Græsli, Firda VGS

Ole Mathismoen viste teikningar,  Agnes Tvinnerreim lærte oss om berekraft, Cicero oppdaterte oss på status, Astrid Sinnes sa «action!» og Kristine Ullaland hadde samla tre år med søppel i eit lite norgesglas. I skulegården sto Guro og Mats Herman sitt minihus på hjul, på scena sto flaumsimulatoren, i underetasjen fekk elevar vere med på øya Tellus og i Aulaen fekk andre elevar forsøke å løyse framtidas utfordringar. I tillegg fekk vi høyre fleire elevar frå scena kome med inspirerande appellar til medelevar og oss andre.

15.november arrangerte Firda VGS, i samarbeid med NOMIL, Sogn og Fjordane fylkeskommune, Nordfjordrådet, SFE, Gloppen kommune og Sparebankstiftinga klimakonferansen «Den grøne tråden». Her fekk pedagogar, elevar og andre interesserte høyre, sjå og prøve mykje spennande. Vi lærte om klimaet og miljøet på ulike måtar, fekk tips til korleis ein kan lære meir og ikkje minst vart vi oppfordra til å gjere noko. Under bileta her finn du lenker til foredraga.

Kristine Ullaland oppfordra til Zero waste. Foto: Hans Græsli, Firda VGS

Storm fortalde om erfaringar frå Raftostiftinga sitt opplegg Framtidspiloten. Foto: Hans Græsli, Firda VGS

Elevar for prøve Firda vgs sin flaumsimulator. Foto: Hans Græsli, Firda VGS

Ole Mathismoen fortel om korleis ein kan nå ut gjennom teikneseriar. Foto: Hans Græsli, Firda VGS

Astrid Sinnes oppfordrar til handling. Foto: Hans Græsli, Firda VGS

Astrid Arnslett frå CICERO kjem med siste nytt om klima. Foto: Hans Græsli, Firda VGS

Kristen Ravnestad frå NOMIL losa oss trygt gjennom programmet. Foto: Hans Græsli, Firda VGS

Her er presentasjonane:

Verda og vi – 2050

Verda og vi 2050

I år har vi på Firda vgs både Klima- og miljøfag 1 og Klima- og miljøfag 2. Og i dag presenterte K&M 1-klassa korleis verda ser ut i 2050 for den andre klassa.

Gjennom prosjektet «Verda og vi 2050» har K&M 1-klassa sett på ulike framskrivingar, og ut i frå dette gjort seg opp nokre tankar om korleis verda ser ut i 2050. Under dagens presentasjon tok K&M 1 med seg K&M 2 på ei reise i tid, fram til 2050. Så forklarte dei korleis verda ser ut i 2050, og kva som førte til at vi kom dit.

Den eine gruppa hadde om energi og kunne fortelje at i dag (2050) er atomkraft ei viktig energikjelde. Ei anna gruppe fortalde om flyktningar og korleis Maldivene no er heilt fråflytta. Vi fekk også høyre at folk bur tettare og i at dei fleste har solceller på taka og i gardinene. I tillegg lærte vi at kunstig kjøt er blitt billigare, og er i ferd med å konkurrere ut vanleg dyrekjøt. Det er også slik at folk flest ikkje lenger styrer bilane sjølve, men det er framleis pilotar med under langdistanseflygningar. Og i Gloppen har vi vore nøydt til å bygge vollar ut mot fjorden for å beskytte oss mot stormflo grunna havnivåstigninga.

Elevane sitt framtidsbilete var prega av ei god blanding av optimisme og pessimisme. Etter presentasjonen hadde elevane frå K&M 2 førebudd seg slik at dei kunne stille gode spørsmål til framtida. Dette var eit interessant tankeeksperiment, og det blir spanande og sjå kva som blir reelt og ikkje av desse punkta. Det vil framtida vise!

_FHG1359_nett

Klimakonferansen «Den grøne tråden»

klimakonferanse i GloppenGrøn skule – prosjektet ved Firda vgs inviterer i lag med våre gode samarbeidspartnarar til klimakonferansen «Den Grøne Tråden». Tema for konferansen er klimaformidling og vi ønskjer å sette fokus på å lære om klima og miljø ved å gjere. For det er akkurat det det dreier seg om – å gjere.

Vi har vore heldig som har fått med oss dyktige foredragshaldarar og gode samarbeidspartnarar slik at vi kan levere ein konferanse med høgt fagleg innhald. Vår konferansier Kristen Ravnestad vil guide oss gjennom eit program som omfattar klimautfordringar, klimaformidling og utvikling av handlingskompetanse, samt ei rekke innspel til korleis ein kan jobbe med disse viktige spørsmåla i skule og barnehage. Vi får blant anna møte forskarar, lærebokforfattar, lærarar og folk som har tatt grep og gjort bevisste val i høve til korleis dei kan bidra med eit grønare liv.

Konferansen er ope for alle.

Tid og stad:

Firda vidaregåande skule, Kultursalen i Trivselshagen
15.november, kl 09.30 – 15.00

Meir informasjon, program og påmelding finn de på lenka:

https://sfj.pameldingssystem.no/klimakonferanse

Grøne fingrar og skitne neglar

Førre veke fekk elevar ved Breim skule prøve ut å vere gartnarar på garden Pertunet på Reed. Gardsopplegget til Kjell og Sabine følgjer ein fast plan, og gjennom sju års skulegang får elevane vere innom mange forskjellige gardsaktivitetar. Etter å ha dyrka potet i 1. klasse, vore fadderar for småkalvar i 2. klasse og plukka eple i 3. klasse er dei i 4. klasse klare for storjobben: nemleg å dyrke fram eit stort tal forskjellige grønsaker.

Først måtte jorda gjødslast, kalkast og rakast. Så sådde vi frø i små potter og kar, og etter 4 veker var desse klare til utplanting. Det er artig kor forskjellig frø kan sjå ut, og visste du at det finst inntil 1,5 mill. smådyr per gram god hagejord? Alt går sjølvsagt føre seg på økologisk vis, dvs. at vi ikkje brukar gift mot ugras og skadedyr, og heller ikkje kunstgjødsel som er svært ressurskrevjande å framstille. Her går det i kompostert hønsemøkk og gamaldags luking.

Når vi jobbar i pakt med naturen ser vi fort korleis alt heng saman og kor fantastisk det eigentleg er at hagen kan bli til ein velsmakande oase i løpet av få månader. No håpar vi på ein god grønsakssommar (ikkje for varmt, ikkje for kaldt, ikkje for lite eller for mykje regn) og i haust kan vi seie: Velkomen tilbake til garden! Då skal 4.klassingane som har blitt 5. klassingar hauste frå markens grøde.

Kvar vert bosset av når vi puttar det i dei ulike dunkane?

Denne veka har barna i Rygg barnehage hatt ryddedagar. Dei har tatt med seg bossposar og plukka rusk i nærområdet til barnehagen. Dei fann alt frå flasker og tomme boksar til plastrør, taurestar og papirrusk. Alle barna er samt enige om at det ikkje er bra å kaste frå seg bosset – ein bør heller kaste det i bossbøtta!

Onsdag samla vi saman alle bossposane og reiste på besøk til Nomil. Der vart vi tekne godt i mot! Barna fekk lære korleis vi sorterar bosset. Papir i den blå dunken, matavfall i den brune, restavfall i den grøne, plast i sekken og i den nye raude dunken skal vi kaste glas og metall. Farleg avfall som batteri kan leverat på Nomil.

Barna kasta bosset vi hadde med i riktig dunk!

Rygg barnehage, klima, miljø, NOMIL, miljøstasjon, Gloppen

Etterpå gjekk vi rundt og såg på dei store containarane og lastebilane som skulle køyre masse boss til fabrikkane på austlandet… Vi fekk også sjå korleis plastavfall og papiravfall vart pressa saman i store stablar. Ein spennande dag med mykje inntrykk!

Batterijakta

Miljøagentene, Miljøagentane, grøn skule, klima, miljø

4.klasse ved Breim skule har vore på batterijakt:

I Noreg brukar vi mykje batteri. Nesten halvparten av alle batteria vi brukar blir kasta i søppel eller rett i  naturen. Det er ikkje bra. Alle batteri har kjangsen til å kunne få eit nytt liv ved hjelp av resirkulering. Gjennom batterijakta får vi eit fokus på akkurat dette.

Batterijakta går ut på å samle inn flest mogeleg brukte hushaldsbatteri. Dette er ein landsomfattande aksjon for alle 4.klassingar i Noreg. Jakta er i regi av Miljøagentane og i år varte den frå 8. – 28. mars.

Vi i 4. klasse ved Breim var tidleg ute og melde oss på jakta. Vi samla inn batteri i eigen heim og gjekk rundt og samla inn frå andre heimar. Sjølv om det berre var vi i 4. klasse som  var påmelde i konkurransen, har det vert eit fokus på miljø for heile skulen. Både blant både tilsette og  elevar. Alle klassane har vore flinke til å levere brukte batteri. Elevane har og vert veldig engasjerte og har ofte kome på besøk til oss for å høyre korleis det går med innsamlinga.

Medan vi samla inn batteria teipa vi polane og vog batteria. Vi fekk tilsendt ein plakat til å ha oversikt over batteria. På den kryssa vi av etter kor mange kilo vi hadde samla inn. Årsaka til at vi teipa batteria var grunna brannfare og lekkande batterisyre.  I tillegg fekk kvar elev ein økologisk innsamlingspose til innsamlinga. Etter kvart som vi samla inn batteri, leverte vi dei til gjenvinning gjennom Coop Prix Byrkjelo. Siste dagen kom vi fram til at vi hadde samla inn heile 144,15 kg med batteri.

Alt i alt har batterijakta vert eit spennande og lærerikt prosjekt for både store og små!

Spennande ting i Svinganeskogen

Betraktningar frå Nordstranda barnehage

Nordstranda barnehage, Gloppen, Sandane, Grøn skule, Klima, Miljø

Ein fredag vi var på tur til Svinganeskogen fant vi noko spennande !!
Vi fant nokon blå eggeskall…ein kvit skalle… og eit gammalt sauemerkje…!
Kva kan ha skjedd for at vi finne alt dette på samme plass…?
Kan skallen vere ein dinosaur som har komt ut av skallet…??.. og kanskje har dinosauren ete opp sauen som det er berre eit merkje igjen av…???
Waaawwoooo!!!! Dette er jammen spennande!!!